ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чулман елгасында су агымы алып киткән ике балыкчыны коткарганнар
Төньяк Кавказдан дин әһеле Болгар ислам академиясенә студентлар җибәрәчәген әйтте
Казан паркларында бокс көне һәм бию фестивале узачак
Минтимер Шәймиев Болгарда эшләрнең икенче этабын башлау кирәклеген әйтте
Без хәзер хәләл тормыш рәвешен алга сөрәбез - Рөстәм Миңнеханов

Хәвеф-хәтәр

Иделдә яна торган катердан балалы яшь гаиләне коткарганнар

18 июнь 2018, 15:31

Иделдә яна торган катердан балалы яшь гаиләне коткарганнар Әлеге хәл Казанда елга порты тирәсендә килеп чыккан.

(Казан, 18 июнь, “Татар-информ”). Росгвардия гаскәрләренең Татарстан буенча ведомстводан тыш сакчылык идарәсе (Росгвардия) яна торган катердан балалы яшь гаиләне коткарган. Бу хакта Татарстан Росгвардиясе матбугат хезмәте хәбәр итә.

Үткән шимбәдә Росгвардиянең моторлы полк экипажы Идел елгасында патрульдә булган. Алар Идел елгасында елга порты тирәсендә ярдан бер чакрым ераклыкта хәрәкәтсез торган кечкенә судноны күреп алган. Катердагы кешеләр кулларын болгап, ярдәмгә чакырган. Катерның арткы өлешендә ялкын телләре күренгән.

Казан росгвардиячеләре ярдәмгә ашыккан. Беренче эш итеп алар ир-ат белән хатын-кызга һәм аларның балигъ булмаган балаларына зыян килмәүне ачыклаган. Аннан соң янгынны сүндергәннәр. Яшь гаиләне ярга чыгарып, зыян килгән катерны көймәләр станциясенә тарттырып илтеп куйганнар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10