ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

КФУ эксперты: Казанда яхшы һава торышы пәнҗешәмбегә кадәр сакланачак

18 июнь 2018, 10:11 , Фото: Рамиль Гали

КФУ эксперты: Казанда яхшы һава торышы пәнҗешәмбегә кадәр сакланачак 21 июньдә республикага циклон килеп, яңгыр яварга һәм температура түбәнәергә мөмкин.

(Казан, 18 июнь, «Татар-информ»). Узган ялларда Казанга чып-чын җәй килде: уртача температура +18 градус тәшкил итә. КФУның метеорология, климатология һәм атмосфера экологиясе кафедрасы мөдире, география фәннәре докторы, профессор Юрий Переведенцев шул хакта белдерде, дип хәбәр итә КФУның Бердәм мәгълүмат-нәшрият үзәге.

«Татарстан Гидрометеоүзәге фаразларыннан күренгәнчә, Казанда яхшы һава торышы алдагы пәнҗешәмбегә кадәр сакланачак», - дип искәртте профессор Переведенцев.

Моннан тыш, Казанда көн кояшлы булачак, явым-төшемнәр көтелми. 21 июньдә республикага циклон килеп, яңгыр яварга һәм температура түбәнәергә мөмкин.

Июньнең беренче яртысында Татарстан башкаласы төньяк циклоннар йогынтысында иде, шунлыктан уртача температура нормадан 4-5 пунктка түбәнрәк булды, дип ачыклык кертте КФУ профессоры.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10