ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чаллыда 9нчы сыйныф укучыларының Төп дәүләт имтиханы нәтиҗәләре республиканыкыннан югары
Сергей Шойгу Мәхмүт Гәрәевкә Александр Невский орденын тапшырды
Серпуховта биш яшьлек кызны үтерүдә шикләнелүчене тоткарлаганнар
“Таврида” форумында Башкортстанның ике вәкиле 100 һәм 200 меңлек грант алды
Россиянең IV җәйге яшьләр Спартакиадасында Казан каратистлары көмеш һәм бронза алды

Спорт

Уругвай спорт министры: Без Казанда үзебезне өйдәге кебек хис итәбез

16 июнь 2018, 13:21 , Фото: Рамиль Гали

Уругвай спорт министры: Без Казанда үзебезне өйдәге кебек хис итәбез Фернандо Касерес бүген Казандагы матчта үзе өчен ике мөһим ил уйнавын билгеләп узды.

(Казан, 16 июнь, “Татар-информ”, Гөлнар Гарифуллина). Без монда үзебезне өйдәге күк хис итәбез – Уругвайның спорт министры Фернандо Касерес Казанда үзләрен кабул итүдән канәгатьлеген әнә шул рәвешле белдерде. Бу хакта ул бүген журналистларга Казанның IT-паркында Футбол буенча дөнья чемпионаты матбугат үзәгендә әйтте. Биредә ул футбол тарихына багышланган фотокүргәзмә белән танышты.

Фернандо Касерес Татарстанның спорт министры Владимир Леоновка кунакчыллыгы һәм һәрьяклап ярдәме өчен рәхмәтен җиткерде. “Казанда, Татарстанда яшәүчеләргә рәхмәт. Алар җылы кабул итәләр. Без монда үзебезне өйдәге күк хис итәбез”, - дип белдерде.

Фернандо Касерес футболның уругвайлылар өчен тормышның мөһим өлеше булуын билгеләп узды. “Уругвайлыларның үз футбол традицияләре бар. Футбол алар өчен матур яшәү ысулы булып тора”, - диде ул.

Бүген Чемпионат кысаларында Казанда тәүге матч уза. “Казан-Арена”да Австралия һәм Франция җыелмалары уйный. Уругвай министры бүген аның өчен ике мөһим ил уйнавын белдерде, шуңа күрә кайсысы өчен җан атуын тәгаен әйтмәде. “Австралиядә уругвайлылар яши, ә Франция белән уртак тарихи тамырлар бар, лицейда да француз телен өйрәнгән идем. Кем генә җиңсә дә, шат булачакмын”, - диде Фернандо Касерес.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10