ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Фән һәм мәгариф

Чирмешән укучылары белемнәрен сыный

16 июнь 2018, 07:00 , Фото: Кадыйр Гомәров

Чирмешән укучылары белемнәрен сыный 1нче сыйныфларның 20 июньдә - соңгы имтиханнары.

 (Чирмешән, 16 июнь, "Татар-информ", "Безнең Чирмешән" , Гөлсирә Шәрифуллина). Чирмешән районында чыгарылыш сыйныф укучыларының дәүләт имтиханнары тәмамланып килә. 9нчы сыйныфларның рус теле, 11ләрнең математика буенча нәтиҗәләре билгеле, дип яза җирле басма.

9нчы сыйныф сынауларының төп этабы тәмам. Район мәгариф бүлегеннән белешүебезчә, рус теле буенча төп мәктәпне тәмамлаучы 257 укучының бишесе имтихан бирә алмаган.

20 июнь – 9нчы сыйныфлар өчен резерв көне. Сайлап алынган фәннәре буенча имтиханнары бер үк көнгә туры килгән һәм “икеле” алган укучылар бу көннәрдә имтихан тапшыра.

11нчеләр арасында математикадан профиль дәрәҗәсендә-3, база дәрәҗәсендә 1 укучы минималь балл җыя алмаган. Ул 25 июньдә –резерв көнендә бу имтиханны кабат тапшырачак.

11нче сыйныфларның 20 июньдә - соңгы имтиханнары. Бу көнне 8 кеше рус әдәбиятыннан һәм 34 кеше физикадан сынау тотачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10