ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Спорт

Казандагы Футбол җанатарлары фестивале 1 млн кешене җыячак

14 июнь 2018, 15:09 , Фото: Рамиль Гали

Казандагы Футбол җанатарлары фестивале 1 млн кешене җыячак Футбол җанатарлары фестивале бүген ачыла.

(Казан, 14 июнь, “Татар-информ”, Чулпан Шакирова). Казандагы Футбол җанатарлары фестиваленә 1 млн кеше килер дип көтелә. Бу хакта бүген Чемпионатның шәһәр матбугат үзәгендә узган матбугат очрашуында Татарстанның Яшьләр эшләре һәм спорт министры Владимир Леонов әйтте.

“Фестиваль берьюлы 25 мең җанатарны сыйдыра алачак. Чемпионат дәвамында анда 1 млн җанатар булырга өлгерер дип уйлыйбыз”, - диде Владимир Леонов.

Фан-фестка эләгү ирекле һәм бушлай. Җанатарларга үзе белән паспорт һәм матчларга билет алып йөрү кирәкми. Җанатарлар фестивале территориясендә ике зур экранлы телевизор бар, аннан барлык 64 матчны да тамаша кылырга мөмкин.

“Фестиваль үз ишекләрен бүген ача һәм анда һәр көнне керү мөмкинлеге булачак”, - диде министр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10