ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Мәдәният

Чаллы театры актрисалары “Иң яхшы хатын-кыз роле” бүләгенә лаек булды

13 июнь 2018, 15:16 , Фото: театр «Мастеровые»

Чаллы театры актрисалары “Иң яхшы хатын-кыз роле” бүләгенә лаек булды "Мастеровые” театры актрисалары Новороссийскида узган Россиянең кече шәһәр театрлары фестивале призына лаек булды.

(Чаллы, 13 июнь, “Татар-информ”, Эльвира Мөхәммәтдинова). Чаллының “Мастеровые” рус драма театры актрисалары Новороссийскида XVI Россиянең кече шәһәр театрлары фестивалендә “Иң яхшы хатын-кыз роле” бүләгенә лаек булды.

  • Новороссийскида XVI Россиянең кече шәһәр театрлары фестивале төгәлләнде. Театраль форум күп еллар үткәрелеп килә, аңа Россия халык артисты Евгений Миронов җитәкчелегендә Милләтләр театры кураторлык итә.

Россия халык артисты Игорь Скляр җитәкләгән жюри Чаллының “Мастеровые” рус драма театры эшен югары бәяләгән. Алар Денис Хөснияров сәхнәләштергән “Карл һәм Анна” спектаклен күрсәткән.

  • Спектакльдә Беренче бөтендөнья сугышы ахырындагы вакыйгалар сурәтләнә. Биредә сугышның тынычлыкны бозуы һәәм гаиләләрнең таркалуы күрсәтелгән. Актерлар ул чорны оста итеп җиткерә алган.

“Иң яхшы хатын-кыз роле” номинациясендә җиңү “Мастеровые” театрының ике актрисасына берьюлы бирелә. Алар - Анна ролен башкарган Александра Петрова һәм Мария ролен уйнаган Анна Дунаева.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10