ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Бензин бәясе 100 сумга кадәр күтәрелергә мөмкин - Бәйсез ягулык берлеге

10 июнь 2018, 15:53

Берлек ягулыкны азлап сату бәяләрен ирекле итәргә, күпләп сату сегментында кулдан идарә кертергә чакыра.

(Казан, 10 июнь, "Татар-информ"). Әгәр бәйсез Ягулык салу станцияләре (АЗС) базардан китсә, бензин бәясе 100 сумга кадәр күтәрелергә мөмкин. Бу турыда бәйсез ягулык салу станцияләре хуҗаларын берләштергән Бәйсез ягулык берлеге (Независимый топливный союз (НТС) мөрәҗәгатенә сылтама белән РБК яза.

Бензинны азлап сатуда бәяләрне үсүдән туктатып тору турында Хакимият һәм эре нефть компанияләре арасындагы килешү бәйсез ягулык салу станцияләренең бетүенә китерәчәк, диелгән Бәйсез ягулык берлеге мөрәҗәгатендә.

"Бу - критик очрак. Вакыт сәгатьләр белән исәпләнә. Инде бүген үк илнең күпчелек төбәкләрендә бәйсез ягулык салу станцияләре ябыла башлады", - дип яза Бәйсез ягулык берлеге.

Берлек ягулыкны азлап сату бәяләрен ирекле итәргә, күпләп сату сегментында кулдан идарә кертергә чакыра.

Моннан тыш, Бәйсез ягулык берлеге ягулыкка акцизларны бетерергә һәм ягулык базарын реформаларга тәкъдим итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10