ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

12 июньдә Чемпионат җанатарларын шәһәрдән-шәһәргә бушлай поездларда йөртәчәкләр

9 июнь 2018, 16:57

Җанатарлар өчен өстәмә поездлар 31 маршрут буенча йөриячәк.

(Казан, 9 июнь, “Татар-информ”). 12 июньдә җанатарларны футбол буенча 2018 елгы Дөнья чемпионатын оештыручы 11 шәһәр арасында 31 маршрут буенча өстәмә поездларда йөртәчәкләр. Бу хакта Россия тимер юллары матбугат хезмәте хәбәр итә.

Җанатарларны бушлай өстәмә поездларда йөртү өчен 75 состав җәлеп ителгән. Пассажирларга хезмәт күрсәтү өчен 36 вокзал комплексы әзерләнгән.

“Тимер юлчылар спорт ярышлары узачак шәһәрләр арасында маршрутлар буенча өзлексез һәм имин хәрәкәт тәэмин итәргә тиеш була. Моның өчен кирәкле әзерлек чаралары тәмамланган”, - диелгән матбугат хезмәте хәбәрендә.

Моннан тыш, 10 июньнән 17 июльгә кадәр компаниядә тулы әзерлек режимы кертелә. Барлык хезмәтләр дә төгәл һәм өзлексез эшләргә, штаттан тыш вазгыятьләргә әзер булырга тиеш.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10