ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Хәвеф-хәтәр

Чаллы янындагы утраулардан бер ир-атны коткарганнар

9 июнь 2018, 14:49 , Фото: ГУ МЧС России по РТ

Чаллы янындагы утраулардан бер ир-атны коткарганнар
Ир-ат ишкәкле көймәдә утрауларга йөзеп кергән, әмма көчле җил күтәрелгәч кире кайта алмаган.

(Казан, 9 июнь, “Татар-информ”). Чаллы янындагы утраулардан бер ир-атны коткарганнар. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

9 июньдә төнге сәгать икеләр тирәсендә бердәм 112 экстрен хезмәте номерына ярдәм сораган ир-ат хәбәре алынган.Зыян күрүче Чаллы шәһәр пляжына каршы утрауларга ишкәкле көймәдә йөзеп керүен хәбәр иткән. Аннан көчле җил аркасында дулкыннар биек булганга киредән кайта алмавын әйткән. Ир-атны коткарырга җирле янгын-сүндерү часте һәм 6нчы зона коткару отряды оператив төркеме "Бомбардир” көймәсендә чыккан.Җирән-кызыл төстәге жилет кигән ир-атны утрауда шәһәр пляжыннан ике чакрымлап еракта табып, ярга алып чыкканннар. Медицина ярдәмен ир-ат кирәксенмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10