ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Дин

Татарстан Республикасында Рамазан ае 15 июньдә Ураза бәйрәме белән төгәлләнә

9 июнь 2018, 11:47 , Фото: Михаил Захаров

Татарстан Республикасында Рамазан ае 15 июньдә Ураза бәйрәме белән төгәлләнә Авыл җирлегендә бәйрәм намазы кояш чыгып 30 минут узгач укылачак, ә республика шәһәрләрендә гает намазы иртәнге 07.00 сәгатьтә кылыначак.

(Казан, 9 июнь, “Татар-информ”). Татарстанның барлык шәһәр һәм районнарында Рамазан ае зур әһәмият бирелеп һәм нәтиҗәле уза. Ай буена республикабызның барлык мәчетләрендә тәрәвих намазлары укыла. Бу хакта Татарстан мөселманнары Диния нәзарәте хәбәр итә.

Татарстан Республикасының 40 мәчетендә Рамазан ае дәвамында Коръән тулысы белән укыла.

Татарстан Республикасында Изге Рамазан ае 15 июньдә Ураза бәйрәме белән төгәлләнәчәк.

Җомга көненә туры килгән мөбарәк бәйрәм республика мәчетләрендә таң атуга Коръән уку белән башланачак. Авыл җирлегендә бәйрәм намазы кояш чыгып 30 минут узгач укылачак, ә республика шәһәрләрендә гает намазы иртәнге 07.00 сәгатьтә кылыначак.

Мәчетләрдә имам вәгазьләре кояш чыгу белән башланып китәчәк. Башкалабыз Казанда Ураза гаете Татарстан мөфтие Камил хәзрәт Сәмигуллин катнашында Тукай урамында урнашкан Галиев мәчетендә үтәчәк. 6 сәгать 40 минутта мөфти Камил хәзрәт үзенең бәйрәм вәгазен башлап җибәрәчәк.

Мөфти вәгазеннән соң 07.00 сәгатьтә мөселманнар гает намазын укыячак һәм алга таба (07.05 сәгатьтә) хөтбә укылачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10