ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Авыл

Мал табибларының зур уңышы терлек азыгы сыйфатыннан тора - ветеринария идарәсе

7 июнь 2018, 10:51 , Фото: Салават Камалетдинов

Мал табибларының зур уңышы терлек азыгы сыйфатыннан тора - ветеринария идарәсе
Бүген Буада ТР Баш ветеринария идарәсе җитәкчесе Алмаз Хисаметдинов катнашында республика семинары уза.

(Буа, 7 июнь, "Татар-информ", Чулпан Шакирова). Ветеринария идарәсендә мал табибларының зур уңышы терлек азыгы сыйфатыннан тора дип исәплиләр.

Бүген Буа шәһәренең ветеринария техникумы базасында район ветеринария лабораторияләренең терлек азыгы әзерләү вакытында эшчәнлегенә багышланган  республика семинары уза. Чарада Буа районы башлыгы Марат Җәббаров, шәһәрнең башка тармак җитәкчеләре,  Татарстанның 43 районыннан килгән баш ветеринария табиблары һәм ветеринария лабораториясе җитәкчеләре катнаша.

Катнашучыларны сәламләү сүзендә ТР Министрлар Кабинеты каршындагы Баш ветеринария идарәсе җитәкчесе Алмаз Хисаметдинов терлек азыгы әзерләү эшендә тырышып хезмәт куярга чакырды, бурычлар билгеләде.

"Терлек азыгы әзерләү - һәр авыл кешесе өчен җаваплы чор. Азыкның сыйфаты - безнең, мал табибларының зур уңышы. Сыйфатлы терлек азыгы кышкы чорның имин үтүен тәэмин итә. Дөрес, аның сыйфаты бездән генә тормый. Әмма без хуҗалык җитәкчеләренә, белгечләргә киңәшләр белән ярдәм итәргә тиешбез", - диде Алмаз Хисаметдинов.

  • Семинар теория һәм практика өлешеннән торачак. Узган ел әлеге темага багышланган республика семинары Әтнә авыл хуҗалыгы техникумында узган иде.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10