ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Авыл

Балтачта сөт күләме арткан

7 июнь 2018, 06:00 , Фото: baltaci.ru/

Балтачта сөт күләме арткан Районда бүген узган елның шул чорына караганда көн саен 4600 килограмм сөт күбрәк савыла.

(Балтач, 7  июнь, “Татар-информ”, “Хезмәт”, Ясминә Шәмсетдинова). Хәзерге көндә Балтач районында тәүлегенә 209 тоннадан артык сөт җитештерелә. Бу узган елның шушы чорына алынган күрсәткеч белән чагыштырганда 4600 килограммга күбрәк, дип яза җирле басма.

Иң күп үсеш “Татарстан” җәмгыятендә. Биредә 2 тоннадан артык сөт көндәлек күбрәк савыла. Шулай ук “Бөрбаш” (1700 кг.), “Дуслык” һәм “Смәел” хуҗалыкларында – (1600кг.), “Кызыл юл”да (1100 кг га артыграк) күрсәткечләрен сизелерлек яхшыртканнар.

- Алга таба бу ирешкән уңышларны саклап калу һәм арттыру һәр хуҗалык җитәкчесенең төп бурычы булырга тиеш. Сөт - хуҗалык кассасына керүче төп акча чыганагы бит, - дип басым ясады Рамил Нотфуллин киңәшмәдә.

Сөт күләменең артуы, билгеле инде, тереклек азыгының сыйфатына һәм савым сыерларына яшел масса бирү белән бәйле. 20 хуҗалык арасында “Арбор” , “Активист”, “Дуслык”, “Яңа тормыш” һәм Тукай исемендәге хуҗалыктан кала барысы да терлекләрнең рационын сыйфатлы яшел азык белән баета. Калган биш хуҗалыкка исә тиз арада яшел масса кайтарту эшен җайга салырга кушылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10