ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Казан, Әлмәт, Түбән Кама социаль-икътисади үсеш буенча Татарстан рейтингын җитәкли

6 июнь 2018, 16:43 , Фото: архив

Казан, Әлмәт, Түбән Кама социаль-икътисади үсеш буенча Татарстан рейтингын җитәкли

Татарстан Икътисад министрлыгы 2018 елның гыйнвар-апрель айларында муниципаль берләшмәләр үсешенә нәтиҗә чыгарды.

(Казан, 6 июнь, “Татар-информ”). Казан, Әлмәт, Түбән Кама районнары социаль-икътисади үсеш буенча Татарстанда элеккечә лидер булып торалар. Моңа Татарстан Икътисад министрлыгы 2018 елның гыйнвар-апрель айларында муниципаль берләшмәләр үсешенә чыгарган нәтиҗәләр дәлил булып тора. Бу хакта ведомствоның матбугат хезмәте хәбәр итте.

Рейтингта Теләче районы үз күрсәткечләрен бер юлы 15 баскычка яхшырткан. Алексеевский районы яхшы нәтиҗәләр белән 6 баскычка күтәрелгән. Шулай ук уңай үзгәрешләр теркәлгән эшсезләр саны кимү, файдалануга тапшырылган торак йортлар мәйданы арту һәм башка күрсәткечләргә бәйле, диелгән хәбәрдә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10