ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Авыл

Кәҗә асраучыларга субсидиянең кайчан биреләчәге билгеле булды

5 июнь 2018, 13:40 , Фото: архив/Регина Хабибуллина

Кәҗә асраучыларга субсидиянең кайчан биреләчәге билгеле булды “Беренче яртыеллыктагы хата-кимчелекләрне төзәтеп, тиешле субсидияне икенче яртыеллыкта таратабыз”, – диде Марат Әхмәтов.

 (Казан, 5 июнь, “Татар-информ”, Чулпан Шакирова). Савым кәҗәләре асраучыларга тиешле 1 мең сум күләмендәге субсидиянең кайчан биреләсе билгеле булды. Бу хакта бүген Министрлар Кабинетында узган брифингта ТР Авыл хуҗалыгы һәм азык-төлек министры Марат Әхмәтов әйтте.

“Гадәти елларда шәхси хуҗалыкларга булыша торган ярдәм суммасы 360 млн иде. Инде быел, сөт бәясе кимү сәбәпле, савым сыерларына ярдәмне көчәйтик дигән исәп белән эш иттек. Бер генә сыер тоткан кеше аны үз ихтыяҗларына гына куллана, сөт сатасы юк. Сөт бәясе аларга йогынты ясамый дип, 1 литр сөткә 2 сум дип утырттык. 2-3 сыер асраучыга - 3 мең сум, 3 баштан артса, һәр сыерга 4әр мең сум күләмендә субсидия билгеләдек. Күрәсең, сумманы сораган вакытта санап бетермәгәнбез. Акча берникадәр җитми калды да, без кәҗә асраучыларша икенче төрлерәк караган кебек килеп чыкты. Әмма беренче яртыеллыктагы җитешсезлекне дә төзәтеп, икенче яртыеллыкта кәҗә асраучыларга тиешле сумманы җиткерәчәкбез”, - диде Марат Әхмәтов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10