ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Казанда чыгыш ясарга тиешле бер башкаручы да катнашудан баш тартмаган
Республика клиник хастаханәсе хезмәткәрләре «Татмедиа» басмаларына язылды
1535 педагог Татарстан Мәгариф һәм фән министрлыгы грантларына дәгъва кыла
Иран җанатары Казанда дөнья чемпионаты матбугат үзәгендә Болгар ханы сыеннан авыз итте
Татарстан синоптиклары шторм турында кисәтү таратты

Сәясәт

Татарстан Дәүләт Советында республиканың 12 җәмәгать судьясына таныклык тапшырдылар

4 июнь 2018, 14:40

Юрий Камалтынов җәмәгать судьяларына намуслары чиста булсын өчен закон буенча хөкем итүләрен теләде.

(Казан, 4 июнь, “Татар-информ”, Алия Җамалиева). Бүген Татарстан Дәүләт Советында тантаналы рәвештә Татарстан Республикасы җәмәгать судьяларына таныклык тапшырдылар.

Документларны Татарстан Республикасы Дәүләт Советы рәисе урынбасары Юрий Камалтынов кулыннан 12 җәмәгать судьясы алды. Аларның дүртесе әлеге вазифага беренче тапкыр, сигезе инде яңадан билгеләнде.

“Зур суд системасы турында тәэсир халык белән сезнең үзара ничек эшләвегездән чыгып билгеләнә”, - дип билгеләп үтте парламентарий.

Хөкемдарларга закон буенчамы әллә намус белән хөкем итәчәксезме, дип яратып бирә торган соравы белән депутат булган Туфан Миннуллинны искә алып, Юрий Камалтынов: “Закон буенча хөкем итегез, намусыгыз чиста булыр!” дигән теләк белдерде.

Татарстан Югары Суды рәисе Илгиз Гыйләҗев җәмәгать судьяларына җәмгыять алдында әхлакый яктан җаваплы булырга кирәклеген билгеләп үтте. Ул хөкемдарларда булырга тиешле: намуслылык, принципиальлелек, объективлык, максатчан, гаделлек, эмоциональ яктан тотрыклылык, сатылмаучанлылык, сабырлык кебек сыйфатларны атады.

Шулай ук Татарстан юстиция министры Рөстәм Заһидуллин, Суд департаменты идарәсе җитәкчесе Җәүдәт Салихов җәмәгать судьяларын таныклык алу белән котладылар һәм гадел булуларын, федераль һәм республика законнарын саклауда уңышлар теләделәр.

“Гражданнар алдында безгә йөкләнгән җаваплылыкны тулаем аңлыйбыз”, - диде Биектау районы буенча 2нче участок җәмәгать судьясы Наталья Волколовская.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10