ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Казанда полицейскийлар пенсионерны талаган ир-атны тоткарлаган

1 июнь 2018, 18:55

47 яшьлек ир-ат ярты ел элек кенә азат ителгән булган һәм янә шул эшкә барган.

(Казан, 1 июнь, “Татар-информ”). Казанда полицейскийлар пенсионерны талаган ир-атны тоткарлаганнар. Бу хакта “Татар-информ”га Россия Эчке эшләр министрлыгының Казан буенча идарәсе матбугат хезмәтендә хәбәр иттеләр.

Май ахырында 69 яшьлек хатын-кыз полициягә мөрәҗәгать иткән. Пенсионер ханым лифтта аңа ир-ат һөҗүм итүе турында хәбәр иткән. Начар ниятле зат пычакка охшаш әйбер белән куркытып, шәхси әйберләре һәм акча салынган сумкасын тартып алып качкан.

Һәлакәт урынына полиция килгән, шаһитлардан сораштырып талаучының фотороботын төзегәннәр. Шулай ук видеокамералар язмаларын өйрәнгәннәр һәм җинаятьченең эзенә төшкәннәр.

Элек хөкем ителгән 47 яшьлек ир-атны шул ук микрорайонда тоткарлаганнар. Ул җинаять кылуын таныган. Ачыкланганча, пенсионерга һөҗүм иткән ир-ат ярты ел элек төрмәдән чыккан һәм янә “иске эше”нә тотынган.

Хәзер ул “Талау” маддәсе буенча гаепләнә. Әгәр ир-атның гаебе исбатланса, аңа 10 елга кадәр ирегеннән мәхрүм итү яный.

Тикшерү барышында шикләнелә торган зат сак астына алынган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10