ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Мәдәният

Төркия музейларында 3,3 миллионнан артык уникаль экспонат саклана

1 июнь 2018, 16:53

Экспонатларның бары тик 11 проценты гына музейга килүчеләргә тәкъдим ителгән.

(Казан, 1 июнь, “Татар-информ”). Төркия Мәдәният һәм туризм министрлыгы каршындагы музейлар коллекциясендә меңәр еллык тарихы булган 3,3 миллионнан артык борынгы экспонат саклана, дип хәбәр итә “Анадолу” агентлыгы.

Мәдәни кыйммәтләр һәм музейлар буенча баш идарә карамагындагы музейларда сирәк очрый торган миллионлаган экспонат тәкъдим ителгән.

Министрлык мәгълүматлары буенча 3,3 миллион экспонатның бары тик 11 проценты гына музейга килүчеләргә тәкъдим ителгән. Бу күрсәткеч дөньяның алга киткән илләре музейларында тәкъдим ителгән экспонатларның уртача санына туры килә.

Музейларга куелган экспонатлар билгеле тематика буенча яңартылып тора. Төркия музейларында таш гасырдагы уникаль экспонатлар да саклана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10