ҺАВА ТОРЫШЫ -15 oC

Яңалыклар

барлык хәбәрләр Татарстан Россия

Икътисад

Казанның социаль проектлары Россия Президентының 116,5 млн сумлык грантына лаек булды

1 июнь 2018, 15:01

Татарстаннан 58 проект Президент грантлары фонды конкурсы җиңүчесе булды.

(Казан, 1 июнь, “Татар-информ”). Казанның социаль проектлары 116,5 млн сум күләмендә финанс ярдәм алды, дип хәбәр итә Казан шәһәре мэриясе порталы.

Татарстаннан социаль әһәмияткә ия булган 58 проект Президент грантлары фонды конкурсы җиңүчесе булды. Алар арасындагы 32 проект республика башкаласының иҗтимагый оешмаларына карый.

Иң зур финанс ярдәмгә “Мәрхәмәтле Казан” шәһәр программасы кысаларында конкурска тәкъдим ителгән, 2016 елдан Казан мэриясе тормышка ашырып килгән – “Мәрхәмәтле дулкын” бөтенроссия мәдәни-хәйрия фестивале һәм “Ярдәм” үзәге базасындагы күрмәүче инвалидлар өчен реабилитация проекты ия булды.

Моннан тыш, Президент грантлары фонды ярдәмен “Умиление” Аналар һәм балачакны саклау үзәгенең “Колыбель” социаль приюты, “Смена” заманча мәдәният үзәгеннән “Рудник” документаль кино фестивале дебюты, шулай ук Татарстан башкаласында социаль әһәмияткә ия булган башка проектлар алды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10