ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Тикшерү комитеты Мөслимдә калай төшеп хатын-кыз һәлак булганнан соң тикшерү башлаган

31 май 2018, 12:19 , Фото: очевидцы

Тикшерү комитеты Мөслимдә калай төшеп хатын-кыз һәлак булганнан соң тикшерү башлаган
  
Хатын-кыз эш сменасын төгәлләп, кибеттән чыкканда, түбә калае аның өстенә төшкән.

(Казан, 31 май, “Татар-информ”). Тикшерү комитеты Мөслимдә табигать бәла-казасы аркасында өстенә кибет түбәсе калае төшеп хатын-кыз һәлак булганнан соң тикшерү башлаган. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Алдан “Татар-информ” кичә кич Мөслимдә “Находка” кибете түбәсеннән көчле җил очыртып төшергән металл калайның 35 яшьлек сатучы хатын-кызның гомерен өзүгә сәбәпче булуы турында хәбәр иткән иде. Алган җәрәхәтләрдән хатын-кыз хастаханәдә үлгән.

Россия Тикшерү комитетының Татарстан буенча Тикшерү идарәсе мәгълүматлары буенча, хатын-кызның эш сменасы төгәлләнгәч, ире аны алырга килгән. Әмма ул машинага утырган вакытта җил белән һавага күтәрелгән металл түбә калае өстенә килеп төшкән.

Тикшерү фаҗига китереп чыгарган хәлләрне ачыклый.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10