ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Сәясәт

Дәүләт Советында Яшь закон чыгаручылар форумын ел саен үткәрергә тәкъдим иттеләр

30 май 2018, 21:07 , Фото: gossov.tatarstan.ru

Дәүләт Советында Яшь закон чыгаручылар форумын ел саен үткәрергә тәкъдим иттеләр Римма Ратникова фикеренчә, Яшь закон чыгаручылар форумы анда катнашучылар һәм депутатлар өчен эчтәлекле җирлеккә әйләнде.

(Казан, 30 май, “Татар-информ”, Алия Җамалиева). Татарстан Дәүләт Советында I Яшь закон чыгаручылар форумы эшен югары бәяләделәр.

“Форум ихтыяҗ булуын, катнашучылар һәм депутатлар өчен кызыклы һәм эчтәлекле җирлек булуын күрсәтте. Яшьләр закондагы билгеле җитешсезлекләргә һәм кытыршылыкларга игътибар итте, экспертлар шулай ук бу инициативаларны сыйфатлы бәяләде. Фикер алышуга куелган мәсьәләләр даирәсе киң”, - диде Татарстан Дәүләт Советы Римма Ратникова чара финалында.

Татарстан Дәүләт Советы каршындагы Иҗтимагый яшьләр палатасы рәисе Илдар Суфияров беренче форумда катнашу өчен, 198 гариза бирелгән дип хәбәр итте. “Яшьләр беренче тапкыр социаль проектлар түгел, ә закон буенча тәкъдимнәрен белдерде”, - диде ул.

Форумда катнашучылар үз проектларын парламент комитетларында белдерделәр. Депутатлар һәм экспертлар белән фикер алышкач, иң яхшылары форум финалына кадәр кертелде. Яшь закон чыгаручылар төрле өлкәләргә кагылышлы 7 закон инициативасын презентацияли алды.

Очрашу азагында Римма Ратникова яшь закон чыгаручыларга Фәрит Мөхәммәтшинның форумны ел саен үткәрү тәкъдимен җиткерде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10