ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
21 июльнең төп вакыйгалары - фото һәм сылтамалар
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар

Хәвеф-хәтәр

Түбән Камада 14 ел элек балигъ булмаган баланы мәсхәрә иткән кешене хөкем иттеләр

30 май 2018, 17:36

36 яшьлек ир-ат кыз баланы алдалап төзелеп бетмәгән бинага алып кергән һәм мәсхәрә иткән.

(Чаллы, 30 май, “Татар-информ”, Эльвира Мөхәмәтдинова). Түбән Камада 14 ел элек балигъ булмаган баланы мәсхәрә иткән кешене хөкем иттеләр. Бу хакта “Татар-информ”га Түбән Кама шәһәре прокуроры ярдәмчесе Марат Талипов хәбәр итте.

2004 елда Түбән Камада полиция 9 яшьлек кызга карата көч кулланып, мәсхәрә итү турында җинаять эше кузгаткан. Ачыкланганча, 36 яшьлек билгесез зат кыз баланы алдалап, төзелеп бетмәгән бинага алып кергән һәм мәсхәрә иткән. Көчләүчене тапмаганнар. Соңрак ачыкланганча, бу ир-ат шәһәрдән генә түгел, ә республикадан чыгып качкан. Әмма бу хакта полиция белмәгән. Җинаять эшен тикшерүне туктатканнар.

Берникадәр вакыттан шикләнелгән затның Башкортстанда булуы ачыкланган. Ир-атны тоткарлаганнар һәм Түбән Камага кайтарганнар. Әмма ул гаебен танудан баш тарткан, фамилиясе икенче һәм полиция эзләгән кеше булмавын әйткән. Әмма экспертиза нәтиҗәләре һәм башка дәлилләр 2004 елда кылынган җинаятьтә нәкъ аның катнашы булуын раслаган.

Соңрак ачыкланганча, ЗАГС органнары шикләнелгән затның үлеме турында документка язган һәм үлем турында таныклык биргән булган. Шул сәбәпле, балигъ булмаган баланы көчләү турында җинаять эшен яңадан тикшерә башлауда проблема туган. Документлар буенча тоткарланган зат үлгән булып саналган. Әмма тикшерүчеләр дөреслекне исбатлый алган һәм гаеплене исән дип раслаганнар. Нәтиҗәдә ир-ат 12 елга ирегеннән мәхрүм ителгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10