ҺАВА ТОРЫШЫ -15 oC

Яңалыклар

барлык хәбәрләр Татарстан Россия
×

Рәсми Татарстан

Рөстәм Миңнехановка Япония медицина компаниясе эшчәнлеген тәкъдим иттеләр

29 май 2018, 13:00

Чара Татарстан Республикасы Хөкүмәте Йортында узды.

(Казан, 29 май, «Татар-информ). Бүген Татарстан Республикасы Президенты Рөстәм Миңнехановка Tokushukai Medical Group (Япония) компаниясе эшчәнлеген тәкъдим иттеләр. Бу хакта Президентның матбугат хезмәте хәбәр итә.

Чара ТР Хөкүмәте Йортында узды. Анда шулай ук ТР сәламәтлек саклау министры Марат Садыков, ТР Президенты ярдәмчесе Радик Гыйматдинов, ТР Инвестицион-венчур фонды җитәкчесе Айнур Айделдинов катнаштылар.

Очрашуда Рөстәм Миңнехановка TMG компаниясе эшчәнлеге һәм үсеш принциплары турында хәбәр итттеләр. TMG - Осака шәһәрендәге хастаханә каршында 1973 елда оештырылган компания. Эшчәнлегенең төп принцибы - пациентлар ихтыяҗларын тәэмин итүгә юнәлдерелгән хастаханәләр ачу. Бүген TMG составында 33 клиника, 39 олы яшьтәге кешеләрне карый торган учреждениеләр һәм башкалар. Компаниянең башка илләрдә дә вәкиллекләре бар.

Компания вәкилләре Казанга ике көнлек эш сәфәренә килде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10