ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Дин

Төркия Казахстанга 1 мең нөсхә Коръән китабы тапшырды

28 май 2018, 10:31

Рамазан ае дәвамында Казахстанның берничә шәһәрендә Төркия Дин фонды тарафыннан 3500 кеше өчен ифтар ашлары уздырылачак.

(Казан, 28 май, «Татар-информ»). Төркия Дин фонды (TDV) һәм Төркиянең Астанадагы илчелеге каршындагы Дин буенча совет «Бүләккә – Коръән» акциясе кысаларында Казахстан мөселманнарына Коръәннең казахча басмасын тапшырды, дип хәбәр итә Төркиянең «Анадолу» агентлыгы.

Тантана TDV тарафыннан Астана мәчетендә оештырылган ифтар программасы кысаларында узды.

«Казахстанның төрле төбәкләрендә оештырылачак ифтар программалары кысаларында дин тотучыларга 10 мең нөсхә Изге Коръән китабы тапшырылачак», - дип хәбәр итте чарада чыгыш ясаган Төркиянең Казахстандагы илчелегенең дин буенча киңәшчесе Галип Акын.

Ул билгеләп үткәнчә, Рамазан ае дәвамында Астана, Алматы, Өскемен, Чимкент, Караганда, Павлодар һәм Актүбә шәһәрләрендә Төркия Дин фонды тарафыннан 3500 кеше өчен ифтар ашлары уздырылачак.

«Без казах туганнарыбыз белән ифтар табыны артында бергә утыруыбызга бик тә шат. Рамазан – туганлык ае ул», - диде Акын.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10