ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Җәмгыять

Кайбыч укучыларына тантаналы төстә паспорт тапшырылды

27 май 2018, 02:00

Район башлыгы Альберт Рәхмәтуллин яшүсмерләргә иң җылы теләкләрен җиткерде.

(Кайбыч, 27 май, «Татар-информ», «Кайбыч таңнары», Луиза Сөнгатуллина). Кайбыч укучыларына тантаналы төстә паспорт тапшырылды. Галия Кайбицкая исемендәге музейда 14 яше тулган укучыларга паспорт тапшыру тантанасында да бу документның әһәмияте, аның кайчаннан бирелә башлавы турында бай мәгълүмат бирделәр, дип яза җирле басма.

Музей хезмәткәре Әлфинур Баһавиева чыгышыннан күренгәнчә, шәхесне раслаучы беренче таныклыклар 18 гасырда барлыкка килгән. Петр патша 1721 елда ук инде даими яшәү урыннарыннан вакытлыча киткән крестьяннар өчен мәҗбүри рәвештә паспортлар бирүне гамәлгә керткән. Революциядән соң, 1917 елда паспортлар бирү туктатылган, чөнки большевиклар аны искелек калдыгы дип санаган. Кем булуыңны раслаучы төп документ урынына өяз башкарма комитеты белешмәсе, профсоюз билеты да яраган. Бары 1932 елның декабрендә генә бердәм паспорт системасы турындагы закон гамәлгә кергән. Районыбызның төрле авылларыннан җыелган укучылар бу хакта кызыксынып тыңладылар. Музей директоры Энҗе Мингалиева алып барган әлеге тантанага районның төрле авылларыннан 14 укучы һәм аларның әти-әниләре чакырылган иде. Район башлыгы Альберт Рәхмәтуллин яшүсмерләргә иң җылы теләкләрен җиткерде. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10