ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Икътисад, Җәмгыять

Эшмәкәрләр веломарафоны Тукай эзләре буйлап үтәчәк

26 май 2018, 11:04 , Фото: архив/Ильнар Тухбатов

Эшмәкәрләр веломарафоны Тукай эзләре буйлап үтәчәк Унынчы тапкыр үткәрелә торган веломарафонның озынлыгы 150 км.

(Казан, 26 май, “Татар-информ”). Казанда Меңъеллык мәйданында эшмәкәрләрнең юбилей веломарафоны башланды, дип хәбәр итә Татарстан Республикасы Кече һәм урта бизнес ассоциациясе матбугат хезмәте.

Унынчы тапкыр үткәрелә торган веломарафон 3 көн дәвам итәчәк һәм “Тукай юлы: Казан-Әтнә-Кырлай, Хәтнә-Арча” маршруты буенча узачак. Марафонда катнашучылар 150 км ара узарга тиеш булачак.

Велосипедчылар Яңа Кырлай авылында Габдулла Тукай һәйкәленә чәчәкләр куячаклар һәм Арча белән Әтнә районнары эшмәкәрләре белән очрашачаклар.

27 майда иртән велосипедчылар колоннасы Симетбаш авылына кадәр барып җитәчәк, аннары Петр һәм Павел чиркәве, шулай ук Хәтнә чишмәсе янында тукталу планлаштырылган. Велосипедчылар Казанга поездда кайтачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10