ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстан урман кисүчеләре төбәкара чемпионатта җиңү яулады
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр

Мәдәният

КФУның “Мизгел” яшьләр театры актерларга кастинг игълан итә

25 май 2018, 21:27 , Фото: Михаил Захаров

КФУның “Мизгел” яшьләр театры актерларга кастинг игълан итә Кастинг Филология һәм мәдәниятара багланышлар институты бинасында узачак.

(Казан, 25 май, “Татар-информ”, Алмаз Шиһабетдинов). 30 майда 14:00 сәгатьтә КФУның “Мизгел” яшьләр театрының яңа режиссеры Илфак Хафизов театрга актерлар составын җыя. Бу хакта ул “Татар-информ” хәбәрчесенә хәбәр итте.

Кастингка теләгән һәр кеше дә килә ала. Режиссер сүзләренчә, кастингта катнашырга студентлар гына түгел, ә университет мөгаллимнәре дә теләк белдергән.

“Мизгел” октябрь аенда спектакль куячак. Шуңа кадәр кастинг игълан итеп, кешеләрне карап алырга кирәк дигән фикергә килдек. Минем кемнәр бар, нинди юнәлештә эшләргә кирәк икәнен беләсем килә. Көчле команда җыелачак, таләпләр зурдан”, - диде Илфак Хафизов.

Илфак Хафизов “Мизгел” театры белән генә түгел, ә Габдулла Тукай исемендәге Татаристика һәм тюркология югары мәктәбенең җыр һәм бию төркемнәре, шулай ук “Әллүки” әдәби берләшмәсе белән дә эшләргә теләген белдерде.

Катнашучылар җыр, бию, шигырь һәм башка иҗади чыгышлар әзерләп килә ала.

Кастинг Филология һәм мәдәниятара багланышлар институты (Татарстан урамы, 2нче йорт) бинасында   узачак. Конкурсантларның чыгышына төп бәяне популяр актер, кинорежиссер, сценарист, “Болгар” радиосы алып баручысы, “Мизгел” театрының төп режиссеры Илфак Хафизов бирәчәк. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10