ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстан урман кисүчеләре төбәкара чемпионатта җиңү яулады
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр

Икътисад

Р.Миңнеханов Петербург форумында бизнеска административ басымны киметү алымын әйтте

25 май 2018, 16:27

Татарстан Президенты «Тикшерелгән бизнес» интернет-ресурсының әһәмиятен билгеләп үтте.

(Казан, 25 май, «Татар-информ»). Татарстанның «Тикшерелгән бизнес» эшкуарларга ярдәм күрсәтү сайты кече һәм урта бизнес вәкилләренә административ басымны киметү алымы булып тора, дип хәбәр итте Татарстан Президенты Рөстәм Миңнеханов Петербург халыкара икътисади форумда.

«Әлеге система гыйнвар башыннан бирле эшли. Бу вакыт эчендә 22 мең мөрәҗәгать килде, аларның өчтән икесе – чит төбәкләрдән», - дип искәртте Президент.

Ресурстан файдаланучыларга һәр контроль-күзәтчелек ведомствосы буенча мәгълүмат алу, закондагы үзгәрешләр белән танышу, хилафлыкларны бетерү буенча киңәшләр алу мөмкинлеге бирелә. Моннан тыш, алар үзләрен кызыксындырган сораулар да бирә ала, диде Рөстәм Миңнеханов.

«Хәзер без электрон журнал ачарга җыенабыз, контрольлек итү органнары һәм эшкуарлар арасындагы үзара мөнәсәбәтләр шунда язылып барачак», - дип искәртте ТР Президенты.

Ресурс әле күптән түгел генә эшләүгә карамастан, аңа инде ихтыяҗ бар, чөнки сайтта бизнес өчен файдалы мәгълүмат тәкъдим ителгән, диде ТР икътисад министры Фәрит Габделганиев.

«Әлеге ресурсның кече һәм урта эшкуарлык субъектларына административ басымны киметергә мөмкинлек бирәчәгенә ышанабыз», - дип белдерде министр. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10