ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Продюсер Миләүшә Айтуганова ике хатынлылык темасына фильм төшерергә җыена
Түбән Камада изобутилен җитештерү предприятиесе эшли башлады
Футбол буенча дөнья чемпионатының мәдәни программасы: Казан Кремле
“Татар кызы – 2018” бәйгесенең финал этабын “Татар-информ” онлайн күрсәтә
Уразовка авылында Рәшит Ваһапов тууына 110 ел тулуга багышланган фестиваль-конкурс узачак

Татар дөньясы

Төмән татарлары “Самоварлар ярышы” уздырды

25 май 2018, 16:51 , Фото: yanarish72.ru

Төмән татарлары “Самоварлар ярышы” уздырды Һәркемнең самовар өстендә чәй ясый торган чәйнек урынына төрле ризыклар тутырылган поднос торган.

(Казан, 25 май, "Татар-информ"). Төмән татарлары “Самоварлар ярышы” уздырды. Бу турыда "Яңарыш" сайты хәбәр итте.

Җиңү көненә багышланган митингтан соң, Ялутор районы Рауды һәм Кулик авыллары халкы кыр кухнясында солдат боткасы һәм хуш-исле үлән чәе белән сыйланган. Кунакларны пешекче Флора Сичбакова каршылаган.

"Солдат боткасын авыз итүчеләр өчен күтәренке кәеф, бәйрәмгә өстәмә ямь кертеп Аслана күчмә мәдәният комплексы (җитәкчесе Ильяс Бакиев) хезмәткәрләре “Самоварлар ярышы”н оештырдылар. Әлеге “тәмле” бәйгедә 9 гаилә – Сичбаковлар, Басыйровлар, Алиевлар, Кәримовлар, Магжановлар, Зиһаншиннар, Кормановлар,Сөлкәрнәевлар, Шәрәфетдиновлар катнашты", диелгән әлеге хәбәрдә.

Һәркемнең самовар өстендә чәй ясый торган чәйнек урынына төрле ризыклар тутырылган поднос торган. Бәйге барышында һәр гаилә әзерләгән аш-суларын кунакларга тәкъдим иткән. Алар Бөек Ватан сугышында катнашкан туганнары турында да сөйләгән.

Чыгышларны махсус сайланган жюри әгъзалары бәяләгән. Иң купшы, иң кунакчыл, иң шау-шулы самоварлы гаилә дип Кулик авылыннан килгән Мәүлидә белән Нәркиз Шәрәфетдиновлар билгеләнгән.

Бу фестивальдә күчмә мәдәният комплексы җырчылары Илфар Мирхәлилов, Юлдаш Кәбиров җырлаган. Рауды авылы хакимиятенең спорт буенча методисты Наилә Зиһаншина күңелле уеннар, спорт ярышлары оештырган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10