ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Дин

Чаллыда Татарстан мөфтие катнашында шәһәркүләм ифтар үтте

25 май 2018, 09:18 , Фото: dumrt.ru

Чаллыда Татарстан мөфтие катнашында шәһәркүләм ифтар үтте Чаллыда көн дә “Ихлас”, “Тәүбә”, “Утыз Имәни” мәчетләрендә ифтар була, ә “Ак мәчет”тә, “Тәүбә”, “Сөембикә” мәчетләрендә Коръән хәтем кылына.

(Казан, 25 май, "Татар-информ"). Кичә, 24 майда, Татарстан мөфтие Камил хәзрәт Сәмигуллин Чаллыда мөхтәсибәт тарафыннан оештырылган шәһәркүләм ифтарда катнашты. Чакырылган кунаклар арасында шулай ук җирле зыялылар, эшмәкәрләр, шәһәр имамнары бар иде, диелә Татарстан мөселманнары Диния нәзарәте матбугат хезмәте хәбәрендә.

Чаллыга эш сәфәре барышында мөфти мәчетләр эшчәнлеге, мөселман өммәтенең яшәеше, ифтарлар уздыру мәсьәләләре белән кызыксынды.

  • Чаллыда көн саен “Ихлас”, “Тәүбә”, “Утыз Имәни” мәчетләрендә ифтарлар үткәрелә, ә “Ак мәчет”тә, “Тәүбә”, “Сөембикә” мәчетләрендә һәр көн Коръән хәтем кылына.

Мөфти катнашында үткән ифтар мәҗлесенә шәһәрнең актив мөселманнары – барысы ике йөздән артык кеше җыелды. Авыз ачу мәҗлесе башланыр алдыннан Татарстан мөфтие чаллыларга Рамазан аеның фазыйләтләре турында вәгазь сөйләде, изге айны файдалы гамәлләр белән үткәрергә чакырды. Камил хәзрәт ифтарны оештыручыларга рәхмәтен җиткерде.

Әлеге чарада шәһәр имам-мөхтәсибе Әлфәс хәзрәт Гайфуллин, ТР Президент Аппараты вәкиле Альберт Җирҗизов, Чаллы шәһәре башкарма комитеты рәисе урынбасары Рамил Хәлилов, Татарстанның Кама аръягы казые Рөстәм хәзрәт Шәйхевәлиев, Түбән Кама, Алабуга, Сарман, Зәй, Актаныш, Менделеевск, Тукай районы имам-мөхтәсибләре катнашты.

  • Кичә Чаллының башка мәчетләрендә дә ифтарлар үткәрелде. Чаллы шәһәре мәчетләре буенча узган ифтарларда барысы 1500 кеше катнашты. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10