ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Түбән Камада изобутилен җитештерү предприятиесе эшли башлады
Футбол буенча дөнья чемпионатының мәдәни программасы: Казан Кремле
“Татар кызы – 2018” бәйгесенең финал этабын “Татар-информ” онлайн күрсәтә
Уразовка авылында Рәшит Ваһапов тууына 110 ел тулуга багышланган фестиваль-конкурс узачак
Дәүләт Думасына Россиядә Әтиләр көнен бәйрәм итү турында канун керттеләр

Хәвеф-хәтәр

Казанда мигрантларның полиция хезмәткәренә һөҗүм итүен видеога төшергәннәр

24 май 2018, 13:51

Таҗикстан гражданнары базарларның берсендәге законсыз корылманы сүтүгә каршылык күрсәтергә омтылган.

(Казан, 24 май, «Татар-информ»). Казанда ике мигрантның полиция хезмәткәренә һөҗүм итүен видеога төшергәннәр. Бу хәлне Казан кешеләре, видеога төшереп, социаль челтәргә куйган.

«Татар-информ» агентлыгына Россия Эчке эшләр министрлыгының Казандагы идарәсе матбугат хезмәтеннән хәбәр итүләренчә, бүген иртән полиция хезмәткәре, Казанның Идел буе һәм Вахитов районнары хакимияте үтенече буенча, шәһәрнең бер базарындагы законсыз корылманы сүтү эшләрен күзәтеп торган.

Корылманы сүткән вакытта, ике ир-ат полиция хезмәткәре янына килеп, аңа эшендә комачауларга керешкән. Ир-атлар үзләрен бик агрессив тоткан.

Сугыш чукмарларын тоткарлап, полиция бүлегенә алып килгәннәр. Алар республикада эшләүче Таҗикстан гражданнары булып чыккан. Казанның Идел буе районы буенча тикшерү комитеты тарафыннан «Хакимият вәкиленә карата көч куллану» маддәсе буенча җинаять эше кузгату турындагы мәсьәлә хәл ителә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10