ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Продюсер Миләүшә Айтуганова ике хатынлылык темасына фильм төшерергә җыена
Түбән Камада изобутилен җитештерү предприятиесе эшли башлады
Футбол буенча дөнья чемпионатының мәдәни программасы: Казан Кремле
“Татар кызы – 2018” бәйгесенең финал этабын “Татар-информ” онлайн күрсәтә
Уразовка авылында Рәшит Ваһапов тууына 110 ел тулуга багышланган фестиваль-конкурс узачак

Хәвеф-хәтәр

Чаллыда исерек балыкчы батып үлгән

23 май 2018, 16:01 , Фото: ГУ МЧС России по РТ

Чаллыда исерек балыкчы батып үлгән Түгәрәк кыр бистәсендәге 47 яшьлек балыкчының мәетен коткаручылар ярдан ике метр ераклыкта табып алган.

(Казан, 23 май, “Татар-информ”). Чаллыда исерек балыкчы батып үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Биклән авылы янында баткан балыкчы турында хәбәр бердәм 112 экстрен хезмәте номерына чәршәмбегә каршы төндә алынган. Урынга 6нчы зона янгын сүндерү –коткару часте хезмәткәрләре килгән.

Алар шаһитлардан сораштырган. Ачыкланганча, өч ир-ат төнлә балыкка барган, алкоголь кулланганнар. Түгәрәк кыр бистәсендәге 47 яшьлек балыкчы су кырыенда – яр буенда йоклап киткән. Шуннан соң иптәшләре аны югалткан.

Коткаручылар көймәдә күл төбен караштырып чыккан һәм балыкчы мәетен ярдан ике метр ераклыкта табып алган. Аны чыгарып, полицейскийларга тапшырганнар.

Ир-ат төнлә торып, аягында басып тора алмыйча суга егылып төшүе ихтимал.

Гадәттән тыш хәлләр министрлыгы хезмәткәрләре су буендагы теләсә-нинди саксызлык, бигрәк тә алкоголь кулланган килеш, фаҗигагә китерергә мөмкин, дип кисәтә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10