ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Фән һәм мәгариф

“Безнең яңа укытучы” грантына дәгъва кылучы 377 укытучы бүген сынау тота

23 май 2018, 11:39 , Фото: Ильнар Тухбатов

“Безнең яңа укытучы” грантына дәгъва кылучы 377 укытучы бүген сынау тота     Конкурсның турыдан-туры катнашу этабы Республика белем бирү сыйфатын мониторинглау үзәгендә үткәрелә.

(Казан, 23 май, “Татар-информ”). “Безнең яңа укытучы” грантына дәгъва кылучы педагогларның гаризалары каралды, дип хәбәр итә Татарстан Мәгариф һәм фән министрлыгы матбугат хезмәте.

Барысы 379 гариза теркәлде. 2 гариза кире кагылды. Укытучының үзе турыдан-туры катнашу этабына 377 педагог үтте. Турыдан-туры тикшерү тесты Республика белем бирү сыйфатын мониторинглау үзәгендә бүген үткәрелә.  

09.00 сәгатьтә тест үтү өчен - математика, информатика, физика, химия, биология, география, тарих, җәмгыять белеме укытучылары чакырылды.

11.00 сәгатьтә - рус теле һәм әдәбияты, туган тел (татар теле) һәм әдәбияты, инглиз, француз, немец телләре һәм физик культура укытучылары сынау тотты.

14.00 сәгатьтә тест үтү өчен башлангыч сыйныф, технология һәм тормыш иминлеге нигезләре укытучылары чакырыла.

29нчы майда 10.00 сәгатьтә Казан педагогия көллиятендә сынлы сәнгать, музыка укытучылары, дефектологлар, олигофренопедагоглар, логопедлар, компенсацияләүче һәм коррекцияле гомуми белем бирү оешмаларының башлангыч сыйныф укытучылары тест биремнәрен башкара.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10