ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Продюсер Миләүшә Айтуганова ике хатынлылык темасына фильм төшерергә җыена
Түбән Камада изобутилен җитештерү предприятиесе эшли башлады
Футбол буенча дөнья чемпионатының мәдәни программасы: Казан Кремле
“Татар кызы – 2018” бәйгесенең финал этабын “Татар-информ” онлайн күрсәтә
Уразовка авылында Рәшит Ваһапов тууына 110 ел тулуга багышланган фестиваль-конкурс узачак

Фән һәм мәгариф

Азнакайдагы яшь педагоглар арасында чит тел укытучылары яхшырак эшли

23 май 2018, 09:00 , Фото: aznakaevo-rt.ru

Азнакайдагы яшь педагоглар арасында чит тел укытучылары яхшырак эшли Бәйгедә Урманай мәктәбеннән - Гөлназ Әсхапова, Азнакай 1нче мәктәбеннән - Ләйсән Мөхәммәтшина, Урсай мәктәбеннән Роман Шпаков җиңгән.

(Азнакай, 23 май, “Татар-информ”, “Маяк”, Резеда Шәрипова). Укытучы һөнәренең дәрәҗәсен күтәрү һәм аларның сәләтләрен ачыклау максатларында ел саен районда мәгариф идарәсе тарафыннан яшь педагоглар арасында конкурс үткәрелә, дип хәбәр итә район газетасы.

Алар өч номинациядә көч сынаштылар. Бер ел эш стажы булганнар укучылар, хезмәттәшләре, ата-аналар арасында үткәрелгән сораштыру нәтиҗәләре буенча “Заманча дәрес һәм мин” дигән эссе яздылар. Икенче елын эшләүчеләр – портфолиоларын, өч ел стажлылар визитка белән “Заманча дәрес һәм мин” яки “Заманча мәктәп һәм мин” дигән эшләрен тәкъдим иттеләр.

Конкурсның йомгаклау турына шәһәр һәм район мәктәпләреннән 9 педагог чыкты. Аларга яшь педагогларның район методик берләшмәсе җитәкчесе Гүзәл Якупова, мәгариф идарәсе начальнигы урынбасары Лилия Әхмәдишина, “Ел укытучысы” бәйгесендә җиңүчеләрдән торган жюри бәя бирде.

Быел җиңү яулаучыларның барысы да чит тел укытучылары: Урманай мәктәбеннән Гөлназ Әсхапова, Азнакай 1нче урта мәктәбеннән Ләйсән Мөхәммәтшина, Урсай мәктәбеннән Роман Шпаков.

"Кечкенәдән укытучы булырга хыяллана идем. Әнием дә укытучы. Әлеге һөнәрне сайлаганга һич үкенмим. Мондый бәйгеләр тагын да иҗадирак эзләнеп эшләргә, үсәргә ярдәм итә", – ди Гөлназ Әсхапова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10