ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстан урман кисүчеләре төбәкара чемпионатта җиңү яулады
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр

Авыл

Татарстанда чәчү 1544,6 мең гектарда башкарылган

22 май 2018, 21:48 , Фото: Александр Эшкинин

Татарстанда чәчү 1544,6 мең гектарда башкарылган Бу барлык мәйданның 87 процентын тәшкил итә.

(Казан, 22 май, "Татар-информ"). Тулаем республика буенча 22 майга язгы чәчү 1544,6 мең гектарда башкарылган, бу барлык мәйданның 87%ын тәшкил итә. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Бөртекле культуралар 951,1 мең га мәйданда чәчелгән, ягъни планга карата 93%. Шул исәптән бодай – 356,7 мең га (99%), орлык кукурузы – 50,7 мең га (85%).

Көнбагыш 109,9 мең га (85%) чәчелгән, рапс – 93,2 мең га (86%). Бәрәңге 2,2 мең га (38%) утыртылган, яшелчәләр – 1,3 мең га (57%).

Язгы чәчүне Зәй районы (48,7 мең га), Сарман районы (52 мең га) һәм Әтнә муниципаль районы игенчеләре (26,4 мең га) төгәлләде. Азнакай муниципаль районында 55 мең га (90%) чәчелгән, Чистай районында – 53,6 мең га (84%), Арча – 53,6 мең га (83%), Буа – 52,8 мең га (83%), Актаныш – 52,5 мең га (93%), Мөслим районында – 52 мең га (89%). 

Бүген көннең икенче яртысында Татарстан Президенты Рөстәм Миңнеханов Ютазы һәм Азнакай муниципаль районнарында язгы кыр эшләре барышы белән танышты. "Республикада чәчү кампаниясе яхшы оештырылганга күрә, якындагы 3-4 көн эчендә чәчү төгәлләнәчәк, тагын берничә культураны гына чәчәсе калды. Күп хуҗалыклар чәчүне тәмамлады инде. Без әйбәт нәтиҗәләргә өметләнәбез”, - диде ул.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10