ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
24 июньнең төп вакыйгалары - фото һәм сылтамалар
"Каннга барып җиткән беренче татар" катнашында эшләнгән фильм Казан фестивалендә күрсәтелә
Театр сабан туеның баш батыры - Кариев театры артисты Илдар Әхмәдуллин
Урта Бирәзә авылында Теләчедән Раил Нургалиев абсолют батыр калды
Чаллы Сабан туенда Элвин Грей концерты аншлаг җыйды

Мәдәният

Илдус Зиннуров: Пьеса сайлаганда безнең таләпләр бик югары

21 май 2018, 20:19 , Фото: Михаил Захаров

Илдус Зиннуров: Пьеса сайлаганда безнең таләпләр бик югары "Әкият" курчак театры авторлар буенча эталон итеп Зөлфәт пьесасын саный.

(Казан, 21 май, «Татар-информ», Рузилә Мөхәммәтова). “Әкият” татар дәүләт курчак театры драматургия буенча үзенең эталоны итеп шагыйрь Зөлфәтнең пьесаларын саный. “Зөлфәт әсәрләрен куйганда, без драматургия планкасын бик югары күтәрдек һәм шуннан түбән төшә алмыйбыз”, - диде “Татар-информ”да үткән матбугат конференциясендә театрының баш режиссеры Илдус Зиннуров.

Илдус Зиннуров театрда драматургия проблемасының кискенлеген җиткерә. “Безгә хан кызы турында бер пьеса алып килделәр. “Сез Зөлфәтнең “Таңга – Чулпан, айга – Зөһрә” спектаклен караган идегезме?” дип сорыйм. “Мин Зөлфәт кадәр яза алмыйм”, - ди автор. “Ә без шуннан начарракны кабул итә алмыйбыз”, - дим. Без һәрвакыт талантлы авторлар белән генә эшләдек”, - ди ул.

Илдус Зиннуров балалар өчен пьесаны бөтен кеше дә яза алмавын әйтә: “Балалар өчен хәтта бик талантлы авторларның да бөтенесе яза алмый”, - ди ул.

Соңгы елларда “Әкият” курчак театры шагыйрьләр Ркаил Зәйдулла һәм Рүзәл Мөхәммәтшин пьесалары буенча спектакльләр чыгарды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10