ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Земфира Казанда Җанатарлар фестивалендә хедлайнер була
Чаллыда янган машина йөртүчесе һәм пассажиры пешкән
Испания футболчысы Жерар Пике Казанда төшкән видео дөнья буйлап таралды
Р.Миңнеханов: Татарстанны PAX Technology Limited белән хезмәттәшлек кызыксындыра
Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Спорт

Казанда милләтара шахмат турниры узды

20 май 2018, 14:41 , Фото: addnt.ru

Казанда милләтара шахмат турниры узды Шахматчылар арасында немец, украин, мари, төрекмән, чуваш, рус, татар, гарәп һәм таҗик милләтеннән вәкилләр бар иде.

(Казан, 20 май, “Татар-информ”). Рәшит Нәҗметдинов исемендәге Шахмат мәктәбендә Татарстан Республикасы территориясендә яшәүче халык вәкилләре арасында милләтара шахмат турниры узды. Бу хакта Халыклар Дуслыгы йортының мәгълүмат үзәге хәбәр итә.

Чемпионатта ике кешедән торган командалар (Татарстан халыклары Ассамблеясе составындагы милли-мәдәни автономия вәкилләре) көч сынашты. Алар арасында немецлар, украиннар, марилар, төрекмәннәр, чувашлар, руслар, татарлар, гарәпләр һәм таҗиклар бар иде.

“Турнир республикада шахматны популярлаштыру, төрле социаль һәм этник халык төркемнәре һәм катламнарында әлеге уенга кызыксыну уяту, иң оста шахматчыларны барлау максатыннан оештырылды”, — дип аңлата оештыручылар.

Турнирда җиңүне Татарстан немецларының милли-мәдәни автономиясе вәкиле Рөстәм Сәгыйтов яулады. Икенче урынны - Таҗикстан вәкиле Усман Сабиров, ә өченче урынны немецлар автономиясе вәкиле Андрей Кудрин алды.

Командалар арасында призлы урыннарда 1нче урынга - Татарстан немецлары милли-мәдәни автономиясе җыелма командасы, 2нче урынга - Татарстан таҗиклары милли-мәдәни автономиясе җыелма командасы лаек булды. 3нче урынга Татарстандагы гарәп студентлары берлеге җыелма командасы чыкты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10