ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
«Зөләйха» сериалында Мортаза ролен Минвәли Габдуллин уйнавы мөмкин
24 июньнең төп вакыйгалары - фото һәм сылтамалар
"Каннга барып җиткән беренче татар" катнашында эшләнгән фильм Казан фестивалендә күрсәтелә
Театр сабан туеның баш батыры - Кариев театры артисты Илдар Әхмәдуллин
Урта Бирәзә авылында Теләчедән Раил Нургалиев абсолют батыр калды

Фән һәм мәгариф

Казанның меңнән артык укучысы милли уеннар белән танышачак

20 май 2018, 13:16 , Фото: addnt.ru

Казанның меңнән артык укучысы милли уеннар белән танышачак “Дөнья яшьләре” проектын Татарстан халыклары Яшьләр Ассамблеясе тәкъдим итте.

(Казан, 20 май, “Татар-информ”). Казан шәһәре мәктәпәрендә милли уеннар уздыру буенча “Дөнья Яшьләре” (“Молодежь Мира”) проекты башланып китте. Әлеге проектны Татарстан халыклары Яшьләр Ассамблеясе тәкъдим итте. Бу хакта Халыклар Дуслыгы йортының мәгълүмат үзәге хәбәр итә.

Проектны беренче булып Казанның 87 урта белем бирү мәктәбендә башлап җибәрделәр. Йөздән артык укучы хәрәкәтле һәм интеллектуаль уеннар аша дөнья халкының 10 гореф-гадәте һәм мәдәният элементлары белән танышты. Шулай ук малайлар һәм кызлар күпмилләтле яшьләр катнашында концерт программасын да карадылар.

Pqbxkszv0Ec

Проектның максаты – төрле милли уеннарда катнашу аша Татарстан Республикасы балаларында сәламәт һәм актив яшәү рәвеше алып бару идеологиясен формалаштыру. Татарстаннан читкә чыкмыйча, балалар, мисалга, төрекмән халкының - “Кульяулык” (“Платочек”), әрмән халкының “Су, ут, һава, җир” (“Вода, огонь, воздух, земля”) һәм башка халык уеннары шартлары белән таныша һәм аларда катнаша ала.

nvzlormyByE

Чара барышында Казан шәһәре мәктәпләре укучыларын өй тирәсендә теләсә кайсы вакытта уйнап була торган яңа командалы спорт шөгыльләре белән таныштыралар. Дөньяның төрле илләреннән килгән яшьләр белән аралашу нәтиҗәсендә, балаларда толерантлык, патриотизм һәм үзара хөрмәт хисләре тәрбияләнә.

  • 1 июнь - Балаларны яклау көне уңаеннан әлеге чара башкаланың 180нче гимназиясендә оештырылачак. Проектта барлыгы шәһәрнең 10 мәктәбеннән укучылар катнашачак. Алар төрле халык мәдәнияте һәм гореф-гадәтләре белән танышачак.
     

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10