ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Санкт-Петербургның Кызыл гвардия районында беренче тапкыр Сабан туе була

19 май 2018, 18:04 , Фото: Рамиль Гали/архив

Санкт-Петербургның Кызыл гвардия районында беренче тапкыр Сабан туе була Кызыл гвардия районында Сабан туе кысаларында Татарстанның Азнакай районы һәм Санкт-Петербург шәһәре арасында хезмәттәшлек буенча килешү төзеләчәк.

(Казан, 19 май, “Татар-информ”). Санкт-Петербургның Кызыл гвардия районы хакимиятендә районда беренче тапкыр Сабан туе уздыру буенча оештыру комитеты утырышы узды. Утырышта Татарстан Республикасының Санкт-Петербург һәм Ленинград өлкәсендәге Даими вәкиле Ренат Вәлиуллин катнашты. Бу хакта чараны оештырган Татарстан Республикасының Санкт-Петербург һәм Ленинград өлкәсендәге Даими вәкиллеге хәбәр итә.

  • Санкт-Петербургның төп Сабан туе 1956 елдан башлап Ленинград өлкәсенең Всеволожский районы Энколово авылы янында уза.

Быел Санкт-Петербург Сабан туе Энколово авылы янында 30 июньдә узачак. 1 июльдә исә Кызыл гвардия районының “Малиновка” паркында бәйрәм район хакимияте белән берлектә оештырыла.

Кызыл гвардия районында узачак Сабан туе кысаларында Татарстанның Азнакай районы һәм Санкт-Петербург шәһәре арасында хезмәттәшлек буенча килешү төзеләчәк. Документка имзаларны Азнакай районы башлыгы Марсель Шәйдуллин һәм Санкт-Петербург хакимияте башлыгы Евгений Разумишкин куячак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10