ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда машина йөртүче хатын-кыз тубык сөякләрен сындырган

19 май 2018, 12:02 , Фото: МЧС по РТ

Татарстанда машина йөртүче хатын-кыз тубык сөякләрен сындырган Һәлакәт кичә Тукай районында Түгәрәк кыр бистәсендә килеп чыккан.

(Казан, 19 май, “Татар-информ”). Татарстанда 45 яшьлек машина йөртүче хатын-кыз тубык сөякләрен сындырган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә иртән бердәм 112 экстрен хезмәте номерына Тукай районында Түгәрәк кыр бистәсе янында юл-транспорт һәлакәте турында хәбәр алынган. Урынга 72нче янгын-сүндерү часте чыккан. Алар машиналарның аккумуляторларын сүндергән.

Беренчел мәгълүматлар буенча, “Лада Приора” автомобилен йөртүче 45 яшьлек хатын-кыз 32 яшьлек ир-ат утырган “Тойота” кроссоверы белән кара-каршы бәрелешкән. Көчле бәрелүдән соң япон машинасы юл кырыена төшеп киткән.

45 яшьлек хатын-кыз автомобиль салонында кысылып калган. Коткаручылар аны чыгарып, ашыгыч ярдәм табибларына тапшырган. Җәрәхәтләр белән Ашыгыч медицина ярдәме хастаханәсенә озатканнар.

“Тойота” кроссоверының 71 яшьлек пассажир хатын-кызы һәлакәттә шулай ук җитди зыян алган. Аны да БСМПга озатканнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10