ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
«Зөләйха» сериалында Мортаза ролен Минвәли Габдуллин уйнавы мөмкин
24 июньнең төп вакыйгалары - фото һәм сылтамалар
"Каннга барып җиткән беренче татар" катнашында эшләнгән фильм Казан фестивалендә күрсәтелә
Театр сабан туеның баш батыры - Кариев театры артисты Илдар Әхмәдуллин
Урта Бирәзә авылында Теләчедән Раил Нургалиев абсолют батыр калды

Мәдәният

Биш Казан артисты берьюлы тормыш иптәшләре һәм балалары белән Кайбычта сәхнә тотты

19 май 2018, 22:00 , Фото: kaibicy.ru/

Биш Казан артисты берьюлы тормыш иптәшләре һәм балалары белән Кайбычта сәхнә тотты Сәхнәдә барысы бергә 21 кеше булдылар.

(Кайбыч, 19 май, "Татар-информ", "Кайбыч таңнары",  Ләйсән Саттарова). Башкала артистлары әзерләп килгән «Әниләр һәм бәбиләр» концерт-тамашасын карарга кайбычлылар зал тутырып килде, дип яза җирле басма.

Лилия Муллагалиева, Гүзәл Идрисова, Зәмирә Рәҗәпова, Гөлназ Шәрипҗанова, Айгөл Шәйхетдинова, аларның тормыш иптәшләре һәм балалары – барысы 21 кеше, кемнең нинди сәләте бар, барысын да күрсәттеләр.– Әлеге концерт-проектка гаилә мөнәсәбәтләрен ныгыту, әти-әни һәм балаларны тагын да якынайту максатыннан алындык. «Әниләр һәм бәбиләр» дип аталган программа исемендә әти сүзе юк. Ләкин ирләребез дә кайчандыр бәби булган, аларны әниләре, кайнаналарыбыз тугыз ай буе карынында йөрткән, – диде Зәмирә Рәҗәпова.

Җырчы ханымнарның тормыш иптәшләре дә иҗади шәхесләр булып чыкты. Кемдер гармунда уйный, кайсыныкыдыр барабанчы, башкалары күбебезгә мәгълүм җырчылар. Җыр-бию, нәфис сүз, уен көлкедән, нәни тамашачы өчен оештырылган программадан сәхнә гөж килде. Соңыннан тамаша залыннан чыгучыларның «шәп булды бу», «бик ошады», «тагын килсеннәр иде» дигән сүзләре концертның күңелләренә хуш килүен әйтеп тора иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10