ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада махсус юл-транспорт һәлакәте китереп чыгарган ир-атларны тоткарлаганнар

18 май 2018, 20:13

Начар ниятле затлар җиде юл һәлакәте китереп чыгарган һәм иминият түләүләре исәбенә кесәләрен калынайткан.

(Чаллы, 18 май, “Татар-информ”). Түбән Кама судында 6 ир-атка карата җинаять эшен карыйлар. Алар юлларда махсус һәлакәтләр китереп чыгаруда гаепләнәләр, дип хәбәр итә Эчке эшләр министрлыгының Түбән Кама буенча матбугат хезмәте.

Начар ниятле затлар 7 юл һәлакәте китереп чыгарганнар һәм иминият түләүләре исәбенә кесәләрен калынайтканнар. Алар законсыз рәвештә 700 меңнән артык акча “эшләгән”. Зыян күргән иминият компаниясе мошенникларны судка биргән.

Тикшерү мәгълүматлары буенча шикләнелгән затлар алдан килешеп, кыйммәтле машиналарны бәрдергәннәр. Бу гамәлләр иминият компаниясеннән акча алу өчен кылынган. Судта тыңлаулар ябык режимда уза. Якынча мәгълүматлар буенча хөкем ителгән затлар иминият компаниясенә китерелгән зыянны кайтарганар. Яшь егетләр бу гамәлләре өчен үкенүләрен белдергәннәр һәм өлешчә гаепләрен таныганнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10