ҺАВА ТОРЫШЫ +32 oC

Яңалыклар

барлык хәбәрләр Татарстан Россия
МӨҺим
Быел Әлки районы Алпар авылында өченче тапкыр Сабан туе оештырылды
Роспотребнадзор Хаҗ кылучылар өчен йогышлы авырулар куркынычы турында белдерде
Сайлау көнне Төркиянең Эрзурум төбәге ИЙИ партиясенең Карачобан районы башлыгы үтерелгән
"Татар-информ"да хәләл продукцияне сертификатлаштыру турында сөйләшәчәкләр
Кичәге сайлаулар нәтиҗәсе буенча Төркия парламентына биш партия керде

Рәсми Татарстан

Рөстәм Миңнеханов Alibaba компаниясендә булды

17 май 2018, 21:07

Без «Alibaba» компаниясе белән хезмәттәшлек итәргә әзер, диде республика лидеры.

(Казан, 17 май, “Татар-информ”). Бүген Татарстан Республикасы Президенты Рөстәм Миңнеханов Alibaba компаниясенең баш офисында булды. Анда республика лидерына топ-менеджерлар компания эшчәнлеген тәкъдим иттеләр. Бу хакта Президентның матбугат хезмәте хәбәр итә.

«Без интернет-коммерция һәм мәгълүмат-коммуникация хәл ителешләре өлкәсендә бөтендөнья лидерларының берсе – «Alibaba» төркеме белән яхшы таныш. Безнең ил халкы сезнең хезмәт күрсәтүләрдән файдалана. Сезнең интернет-кибет аша күпләгән ваклап сату гамәле башкарыла. 2016 елда Петербург халыкара икътисади форумы кысаларында мин Россия Хөкүмәте Рәисенең беренче урынбасары Игорь Шуваловның «Alibaba Group» рәисе Джек Ма әфәнде белән очрашуында катнаштым», - диде Рөстәм Миңнеханов.

«Мәгълүмат-коммуникация технологияләрен һәм инновацияләрне үстерү – безнең өстенлекле юнәлешләребезнең берсе. Татарстан Россиядә алдынгы технологияләрне көндәлек тормышка кертү буенча алдынгы төбәктән санала. Мәгълүмат-коммуникация хәл ителешләре бүген төрле тармакларны үстерүдә бәйләүче элемент һәм катализатор булып тора. Россиядә яңа төзелеп килүче Иннополис шәһәрендә без бөтендөнья дәрәҗәсендәге инфраструктура булдырдык. 2017 ел йомгаклары буенча «Иннополис» МИЗ территориясендә гомуми инвестицияләре 11 млрд. сум чамасында 60 компания-резидент теркәлгән. Без «Alibaba» компаниясе белән хезмәттәшлек итәргә әзер», - диде Рөстәм Миңнеханов һәм бу хакта фикер алышу өчен «Alibaba» вәкилләрен Татарстан Республикасына чакырды.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10