ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Хәвеф-хәтәр

Татарстанда 26 яшьлек ир-ат биш яшүсмерне гаражда берничә сәгать бикләп тоткан

17 май 2018, 14:34

Тикшерү комитеты аңа карата җинаять эше кузгаткан.

(Казан, 17 май, «Татар-информ»). Татарстанда 26 яшьлек ир-ат биш яшүсмерне гаражда берничә сәгать бикләп тоткан, дип хәбәр итте «Татар-информ» агентлыгына Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий.

Тикшерүчеләр фаразлавынча, 18 апрельдә Менделеевскида яшәүче 26 яшьлек ир-ат гаражда дусты белән аракы эчеп утырган. Кайсыдыр мизгелдә ул шул тирәдә уйнап йөргән 13-16 яшьлек өч малайны һәм ике кызны күреп алган. Ир-ат аларны гаражга чакырган һәм артларыннан бикләп куйган.

Шунда кызларның берсе өенә кайтасы килүен әйтеп еларга керешкән. Ир-ат аларга мондый шарт куйган: тынычланган очракта гына тоткынлыктан азат итәчәкмен, дип белдергән. Ике сәгатьтән соң ул, балаларны гараждан чыгарып, өйләренә кайтарып җибәргән.

Берничә көннән соң яшүсмерләрнең берсе әлеге хәл турында әти-әнисенә сөйләп биргән. Кызның әнисе полициягә гариза язган, шуннан соң ир-атны кулга алганнар. Нәтиҗәдә, тикшерү комитеты «Ике яки аннан да артыграк балигъ булмаган баланы законсыз төстә ирегеннән мәхрүм итү» маддәсе буенча җинаять эше кузгаткан.

Ир-атның моңа кадәр дә хөкемгә тартылганы булган инде. Ул тикшерүчеләргә әлеге хәл турында күрсәтмәләр бирүдән баш тарткан. Суд аны сак астына алу турында карар чыгарган.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10