ҺАВА ТОРЫШЫ -9 oC

Яңалыклар

барлык хәбәрләр Татарстан Россия

Икътисад

Хөкүмәттә пенсия яшен арттыру хакында киңәшмә була

17 май 2018, 11:45

Пенсия яшен арттыру турындагы закон быел җәй үк кабул ителергә мөмкин.

(Казан, 17 май, «Татар-информ»). Россия Премьер-министры Дмитрий Медведев якын көннәрдә Хөкүмәтнең яңа составы белән пенсиягә чыгу яшен арттыруга багышланган киңәшмә үткәрәчәк, дип хәбәр итә «Ведомости».

Стратегик үсеш үзәге башлыгы Алексей Кудрин тәкъдиме яңа закон проектының нигезенә ятарга мөмкин. Шуларның берсе – пенсиягә чыгу яшен 5 елга арттыру. Ир-атлар өчен ул хәзерге 60 яшь урынына 65 яшькә, хатын-кызлар өчен 55 яшь урынына 60 яшькә җитәргә мөмкин.

Киңәшмәдә социаль блокны профиль вице-премьеры сыйфатында Татьяна Голикова тәкъдим итәчәк. Басма чыганаклары аның пенсия мәсьәләсе буенча урталыкта торуын билгеләп үтә. Алар фикеренчә, социаль нәтиҗәләрен исәпкә алып, Голикова Стратегик үсеш үзәгенең радикаль тәкъдимнәрен йомшартырга мөмкин.

Закон проекты, аны Дәүләт Думасы җәйге каникулларга кадәр раслап өлгерсен өчен, якын киләчәктә кабул ителүе дә ихтимал. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10