ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Карелия Сабан туе дүртенче августка билгеләнгән
Татарстанда бүген М7 юлындагы һәлакәттә дүрт кешенең гомере өзелгән
Татарстаннан 5 укучы “Артек”ка социаль проектлауга багышланган сменага барачак
Владимир Сабан туенда көрәшне Татарстан хөкемдарлары бәяләде
Новосибирскиның татар балалары җәйге лагерьда милли белем һәм тәрбия алачак

Икътисад

Кукмара һәм Саба Кытай шәһәрләре белән тугандаш булды

17 май 2018, 09:49

Татарстан ягыннан килешүне Саба муниципаль районы башлыгы Рәис Миңнеханов һәм Кукмара муниципаль районы башлыгы Сергей Димитриев имзалаган.

(Казан, 17 май, «Татар-информ»). Бүген Кытайның Ханчжоу каласында «Татарстан-Чжэцзян» эшлекле форумы кысаларында Саба муниципаль районы һәм Вэнлинь шәһәре, шулай ук Кукмара муниципаль районы һәм Юйхуань шәһәре арасында Тугандаш мөнәсәбәтләр урнаштыру турындагы килешүгә кул куелган, дип хәбәр итә ТР Президентының матбугат хезмәте.

Татарстан ягыннан килешүгә Саба муниципаль районы башлыгы Рәис Миңнеханов һәм Кукмара муниципаль районы башлыгы Сергей Димитриев кул куйган.

«Без Чжэцзян провинциясе белән, беренче чиратта, икътисад өлкәсендә мөнәсәбәтләрне үстерергә телибез, - диде Татарстан Президенты Рөстәм Миңнеханов тугандашлык турында килешү турында. - Шунысы куандыра, бүгенге көндә безнең муниципаль дәрәҗәдә дә элемтәләребез бар. Әле 2003 елда ук Ханчжоу һәм Казан шәһәрләре арасында үзара мөнәсәбәтләр урнаштыру турында килешү төзелгән иде. Узган елда Кукмара районы һәм Юйхуань каласы арасында икътисади хезмәттәшлек турында килешүгә кул куелды. Бүген Кукмара районы һәм Юйхуань, шулай ук Саба районы һәм Вэнлинь арасында Тугандаш мөнәсәбәтләр урнаштыру турында килешү имзаланды. Хәзерге вакытта Татарстан һәм Чжэцзян провинциясе арасында сәүдә-икътисади хезмәттәшлек турында килешү әзерләү хакында да алдан сөйләшеп куйдык». 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10