ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Дин

Төмән мөселманнарының дини укулары тәмамланды

16 май 2018, 21:14 , Фото: tatar-congress.org

Төмән мөселманнарының дини укулары тәмамланды Һәркемгә укуларны уңышлы тәмамлау турында сертификат тапшырылды.

(Казан, 16 май, “Татар-информ”). Төмән өлкәсе мөселманнары Диния нәзарәте офисында узган елның сентябрендә Динар хәзрәт Нәфыйков алып барган дини укуларга йөри башлаган төркем соңгы очрашуга җыелды. Көзгә кадәр укулар тәмамланды. Бу хакта "Яңарыш" сайты хәбәр итә.

Очрашуда Ислам мәгърифәт үзәге җитәкчесе Искәндәр хәзрәт Юсупов та катнашты. Ул һәркемгә укуларны уңышлы тәмамлау турында сертификат тапшырды.

Очрашуда Рамазан ае, аның төп шартлары һәм Бөек Ватан сугышы батыры – 3 Дан ордены кавалеры Хәбибулла Якин турында барды. Өлкәнең, милләтнең горурлыгы булган Хәбибулла Хәйрулла улы турында Константин Симонов төшергән документаль фильмнан өзек күрсәтелде. Ккызы Лариса, укучысы Сәлимә Ахиярова истәлекләрен сөйләделәр.

— Ике ел эчендә күп белемнәр тупладык: гарәп графикасын үзләштердек, Коръән сүрәләрен гарәпчә укый башладык һәм башка башка нәрсәләргә өйрәндек. Динар хәзрәт бик көчле дин әһеле, гарәпчәне, саф татар телен дә бик яхшы белә, нинди генә сорау бирсәң дә, тулы итеп җавап бирә, андый белемле кеше бик сирәк, — дип зур рәхмәтләрен җиткерде Рафаэль Гадиев. “Без Динар хәзрәт җитәкчелегендә белем аласыбыз килеп, төркем булдырып, аның укытуын махсус сорадык”, — диде Сәлимә апа.

Аннары сугышта һәлак булган якыннары рухына дога кылып, үзләре алып килгән тәм-томнар белән чәй эчтеләр.

Әлеге төркем укуын киләсе елга да дәвам итәчәк, яңа төркем дә тупланачак, теләүчеләр сентябрь аенда Җәмигъ мәчетенә килә алалар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10