ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Җәмгыять

Чаллыда мөселман балаларын сәүдә итәргә өйрәтәләр

15 май 2018, 19:00 , Фото: shahrichalli.ru

Чаллыда мөселман балаларын сәүдә итәргә өйрәтәләр Бәяләр алдан билгеләнгәнчә, 5 тән 50 сумга хәтле куелган, һәр баланың кибете үзенчәлекле формада ясалган иде.

(Чаллы, 15 май, "Татар-информ", "Шәһри Чаллы"). Чаллының "Нур Ихлас" мәчете биләмәләрендә балалар өчен "Гараж сейл" дип аталган чара булып узды. Анда балалар сату-алу эшчәнлеге алып бардылар, җомга намазына жыелган кунакларга һәм калган катнашучыларга кулдан ясаган сабыннар, тәм-томнар һәм китаплар тәкъдим иттеләр, дип яза җирле басма.

Бәяләр алдан билгеләнгәнчә, 5 тән 50 сумга хәтле куелган, һәр баланың кибете үзенчәлекле формада ясалган иде.

"Гараж сейл" чарасы "Хәзинә" мөселман балалар клубы тарафыннан Чаллы шәһәрендә икенче кат уздырыла. Чара балаларны сату-алу эшчәнлегенә, ә соңыннан зәкәт чамасын чутлап чыгару һәм аны мохтаҗларга таратуны өйрәтү максаты белән булдырылды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10