ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Казанда футбол мундиале хөрмәтенә авырлыгы 1 тоннадан артык чәкчәк әзерләнә

15 май 2018, 13:50 , Фото: архив/Салават Камалетдинов

Казанда футбол мундиале хөрмәтенә авырлыгы 1 тоннадан артык чәкчәк әзерләнә “Ул Россиянең рекордлар китабына керер, дип өметләнәм”, - диде Дарья Санникова.

(Казан, 15 май, “Татар-информ”, Гөлнар Гарифуллина). Казанда футбол буенча дөнья чемпионаты кунакларын авырлыгы 1300 кг булган чәкчәк белән шаккаттырмакчы булалар. Бу хакта бүген ТР Министрлар Кабинетында туризм проектларына багышланган брифингта Казан шәһәрендә Туризмны үстерүгә теләктәшлек комитеты директоры Дарья Санникова хәбәр итте.

“Бик зур чәкчәк әзерләнә. Ул Россиянең Гиннес рекордлар китабына керер, дип өметләнәм. Аның авырлыгы 1300 кг тирәсе булыр, дип көтелә. Казанга Россия рекордлары китабы эксперты килеп, бу чәкчәкне мактаулы китапка кертер, дип көтәбез”, - диде Дарья Санникова. Чәкчәк футбол тубы рәвешендә ясалачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10