ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Кемеровода «Зимняя вишня» сәүдә-күңел ачу үзәген сүтәргә керешкәннәр

15 май 2018, 09:39

Комплекс урынындагы сквер 1 сентябрьдә ачылыр дип көтелә.

(Казан, 15 май, «Татар-информ»). Эшчеләр Кемеровоның «Зимняя вишня» сәүдә-күңел ачу үзәге комплексына кергән бер бинаны сүтә башлаган, дип хәбәр итә «Интерфакс» агентлыгы.

Комплекс кирпеч һәм тимер-бетоннан төзелгән җиде бинадан тора. Иң беренчеләрдән булып сауна һәм автоюгыч урнашкан ике катлы бинаны сүтәргә керешкәннәр.

Шуның белән бергә, эшчеләр тикшерү барган вакытта комплекс тирәли корылган тимер койманы да сүтеп алган.

Урынга килгән Кемерово өлкәсе губернаторы вазифаларын вакытлыча башкаручы Сергей Цивилев хәбәр иткәнчә, «Зимняя вишня» бинасы авария хәлендә һәм аны файдалану мөмкинлеге юк. Ул шулай ук сәүдә-күңел ачу үзәге урынындагы скверның 1 сентябрьдә ачылачагын искәрткән. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10