ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Хәвеф-хәтәр

Чүпрәледә штраф түләмәүче 79 шофер җәзага тартылды

15 май 2018, 01:00

Берничә шоферны рәшәткә артына ук утыртканнар.

(Чүпрәле, 15 май, "Татар-информ", "Туган як").Чүпрәледә  быелның дүрт аенда штраф түләмәүче 79 шофер җәзага тартылды, дип яза җирле басма.

Автоинспекция начальнигы Анатолий Михайлов әйтүенә караганда, алар арасында штрафларын икеләтә арттырып түләүчеләр дә, мәҗбүри эшкә тартылучылар да бар, берничәсен, хәтта рәшәткә артына ук утыртканнар.

Россия Федерациясе Административ хокук бозулар колексының 20.25 маддәсе турында шоферларның күпчелеге яхшы белә. Анда юл хәрәкәте кагыйдәләрен бозган өчен машина йөртүчеләргә бирелгән штрафларны вакытында түләмәгән өчен җаваплылыкка тарту турында әйтелә. Хәзер гаепләнүчеләрнең "хәленә" керү максатыннан Хөкүмәт яңа закон да кабул итте. Штрафың белән 20 көн эчендә исәп- хисап ясыйсың икән, ул вакытта штраф суммасының 50 процентын гына гына түләргә туры килә. Ә менә билгеләнгән вакытта, ягъни 60 көн дәвамында да штрафларын түләмәүчеләр ул сумманы икеләтә арттырып түлиячәкләр. Әлбәттә, намуслы шоферлар өчен бу бик кулай. Тик нигәдер машина йөртүчеләрнең кайберләре моны аңлап җиткерми. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10